Koordinator, halv stilling ved fylkeskontor i Bergen
Vi ser etter deg som er glad i frivilligheita og som ønskjer å leggje til rette og støtte helselaga og demensforeiningane våre. Stillinga er ein 50 prosent fast stilling med moglegheit for snarleg tiltreding. Koordinator rapportere til dagleg leiar fylkeskontoret og har kontorstad i Bergen sentrum. Du vil bli ein del av eit team på tre personar som saman skal bidra til auka frivilligheit og folkehelse i regionen dykkar.
Hovudarbeidsoppgåver:
- Administrere tilskotsordningar for laga våre
- Følgje opp utdelingar av Folkehelseprisen og Demensprisen
- Bidra i arbeidet med nasjonale kampanjar som Hopp for Hjerte og Demensaksjonen
- Svare ut førespurnader og administrativ drift av kontoret
- Andre oppgåver etter avtale
Du bør ha følgjande kvalifikasjonar og eigenskapar
Vi søkjer etter ein person med erfaring og kjennskap frå frivilligheita og/eller organisasjonsarbeid. Du har høgare utdanning på bachelor nivå, men relevant arbeidserfaring kan kompensere for utdanningskravet. Du er sjølvstendig, systematisk, glad i menneske og kommuniserer godt både munnleg og skriftleg. Gode IT kunnskapar (gjerne Office365 med tilhøyrande program) er ein føresetnad. Nynorsk er arbeidsspråket.
Det vil bli gitt opplæring i arbeidsverktøya til organisasjonen.
Vi tilbyr:
Hos oss i Nasjonalforeningen for folkehelsen vil du få:
- Ein meiningsfull jobb i ein anerkjend organisasjon
- Engasjerte kollegaer med ulike fagbakgrunnar og høg kompetanse som skaper gode diskusjonar og ein god porsjon humor i kvardagen
- Eit inkluderande og støttande arbeidsmiljø
- Kontor i fine lokale og ei miljøsertifisert verksemd
- Fleksitid, sommartid og ei ekstra ferieveke
- Lønn etter avtale og gunstige låne- og pensjonsordningar gjennom Statens pensjonskasse
For meir informasjon kontakt; dagleg leiar Kristine Drake tlf. 404 45 820 eller organisasjonssjef Brit Olssøn tlf. 911 92 811.
I Nasjonalforeningen for folkehelsen blir du ein del av eit fagleg sterkt miljø med mykje samarbeid og god trivsel. Vi er opptekne av å spegle befolkninga i Noreg og ønskjer derfor mangfald i organisasjonen, både når det gjeld alder, kjønn, funksjonsnivå og etnisitet.
Søknad sendast via finn.no sin portal innan søknadsfrist 23.08.2024